Nawa’y Hindi Manawa

Tulad ng ibong maya

Malayang lumilipad sa umaga,

Walang iniisip ni iniinda.

Hindi nanghihinayang,

Hindi nangangamba,

Hindi rin nangangalumata.

Sila kaya’y nagsasawa sinta?

Tulad ng mga binhi

Kinalat ng mga ibong nagawi

Tumutubo at nananatili

Sa bawat araw ay hindi nangingimi

Hindi alintana ang init at bagyong sanhi

Hanggang maging puno na pagkatibay dili

Nananawa kaya ang punong sawi?

Tulad ng hangin sa bawat araw ay damhin

Palutang-lutang at nananalangin

Marahang dumadampi sa pisnging angkin

Walang katauhan ni pakiramdam sa dilim

Ngunit nariyan at pumapailanlang sa atin

Nawa’y hindi manawa mandin.

Tulad ng agos ng karagatan

Ilog, sapa at talon sa kaparangan

Walang sawang dumadaloy at dumaraan

Dulot ay ginhawa’t kalinisan

Bawat hampas tila kumpas

Bumabalik mula sa kawalan

Hindi tumitigil, hindi sinisikil

Hindi naghahangad ng anumang kapalit

Tingin mo kaya’y napapagal sila sa paulit-ulit?

Paulit-ulit.

Araw-araw.

Tuwing tanghali.

Bawat gabi.

Ang pag-ibig na hain ay tila mayang tuwing umaga’y bumubungad.

Ang pagakakaibigan nawa’y maging tulad ng punong pinapatatag ng panahon, nakatanim sa mayamang lupang tabi ng sapa.

Ang araw-araw na usapa’y parang tubig sa karagatang kumukumpas at nagbibigay kulay.

Ang pakikinig ay parang hanging hindi nakasasambit ngunit nakadarama ng damdaming higit pa sa mamumutawi sa’yong dila.

Nawa’y hindi manawa.

Nawa’y walang sidlan ang tuwa.

Makinig. Manatili. Magparaya.

Magtiwala sa Diyos na Siyang lumikha.

Manalangin at magpaalala.

Pasasaan ba’t magbubunga

Ang binhing itinanim sa pusong aba.

Advertisements

12 thoughts on “Nawa’y Hindi Manawa

  1. Is it only me who sing your poem out while reading? Promise, kinakanta ko sya hanggang sa dulo.

    Alam mo ung isang old christian song, “kalakip ay awitin”? Youtube mo bilis..hehe.

    Grabe, nakakagaan ng puso yung poem mo Jai,lalo ngayong mejo mabigat loob ko #introvertfeels

    Big thanks!

    Liked by 1 person

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s